Salmo 102

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150

¹Nengazen, pemineǥa nu is ampù ku. Pemineǥa nu en is kebuyù ku te tavang diyà te kenikew.

²Kenà a kenikew elesi zutun te timpu te kelised ku. Pemineǥa a emun ebpengumew a kenikew, ne segugunà a tevaka.

³Su is untung ku meǥaan dà egkaawà iring te evel; is lawa ku ne henduen be te edtutungen.

⁴Henduen ad te sagbet he neǥangu su migkires ad. Ne naawè en is gana ku te kegkaan

⁵tenged te egkeǥezam ku ebpekezag-es a. Henduen be te tulan e zà wey lundis.

⁶Sebsevaha ku zà, henduen a te seǥuksuk diyà te sibsivayan. Henduen a te ekang diyà te mid-ewaan en su egkeregdas en he vinelayan.

⁷Kenà a ebpekelipezeng; iring a te tagbis he sebsevaha zin diyà te atep te valey.

⁸Layun a ebpeel-elezi te menge kuntada ku. Edsudien e zan ne egemiten dan he petug-iring is mezaat he kebpekesavuk ku emun edrewakan dan is duma.

⁹Edsudien e zan su wazè ku en kaankaan, ne ebpekezuzungul e zà diyà te avu is edsineǥew

¹⁰tenged te utew nu kegkepeuki kedì. Edsudien e zan su ǥeina te iring a te vesura he mid-amì nu ne intimbag nu.

¹¹Is untung ku iring te alung he meǥaan dà egkaawà diyà te nesevukan din. Wey iring a te sagbet he neǥangu.

¹²Piru sikew mulà, Nengazen, edhadì ka te wazà pidtemanan; edtentenuzan ka te menge etew taman te taman.

¹³Andam en is hizu nu para te Zion, su neume en is midtelaan he timpu he zutun ibpeehè nu is keupiya nu para te Zion.

¹⁴Su heini he inged mibmahal ǥihapun te menge etew nu he menge suluǥuen nu minsan pa te nezeetan en heini.

¹⁵Is menge meǥinged diyà te menge nasyun, edtahud dan te Nengazen; is langun he menge hadì kayi te kelibutan edtahud diyà te etuvangan din.

¹⁶Su ed-umanan ebenguna te Nengazen is Zion; ne ibpeehè din is mekeǥeǥehem he kebpekiduma zin.

¹⁷Edtevaken din is ampù te menge mekehizuhizu; kenè din ebpekewezaan is ked-ampù dan.

¹⁸Isurat heini para te huziyan he menge lapis te menge kevuwazan, su para mezalig dan is Nengazen:

¹⁹Puun diyà te segradu he lugar he iyan is langit, edtengtengan te Nengazen is kelibutan,

²⁰su para mezineg din is dag-es te menge etew zin he menge vinihag ne wey zin melibri is menge etew zin he ebpenhimetayan.

²¹Ne tenged kayi, idsangyew ziyà te Zion he iyan is inged he Jerusalem is menge mibeelan te Nengazen, ne zutun he inged sikandin edeliǥa.

²²Egkeulaula heini emun edtiǥum en dutun is menge etew he ebpemuun diyà te menge nasyun wey menge ginhedian te ked-azap te Nengazen.

²³Wazè pa meepus is untung ku, ne impemeluya ad te Nengazen; impemevavè din is untung ku.

²⁴Umbe, midhangyù a ziyà te kandin, ke siak te, “He Megbevayè ku he wazà pidtemanan te untung din, kenè nu en dèpa kuwaa is untung ku te kenè e pa meǥurang.

²⁵Dengan mibeelan nu is kelibutan wey is langit.

²⁶Egkengahanew heini piru ebpedayun ka mulà. Ebmerunut is langun iring te visti. Wey iring daan te visti, ne ed-ilisan nu wey egkengahanew zan.

²⁷Piru sikew mulà, ne iyan ke zed gihapun; wazè nu ketepusan.

²⁸Is menge kevuwazan te menge etew nu he menge suluǥuen nu, ne kenà sikandan egkengezeetan te vangkit ne ebentayan nu sikandan.”