Salmo 109

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150

¹He Megbevayà, he edeliǥen ku, tevaka nu is ked-umew ku kenikew.

²Su idsumbung a te lalung wey limbungan he menge etew. Tarù is lalag dan mehitenged kedì.

³Layun mezaat is menge lalag dan he ebpekesuǥat kedì minsan wazà hinungdan.

⁴Minsan ebpekid-emiǥu a kandan, ne edtebeken e zan; piru in-ampù ku ǥihapun sikandan.

⁵Mibelesan e zan te mezaat te meupiya he mibeelan ku kandan, wey mibelesan e zan te pauk te kebpekid-emiǥu ku kandan.

⁶Ke sikandan te, “Ebpen-ehè kiw te lalung he etew he egkuntra wey edsumbung kandin diyà te hukmanan.

⁷Berakat he led-ani sikandin te salà emun timpu en te kedhukumi kandin. Berakat he isipa he salà is ked-ampù din!

⁸Berakat he kenà mebmeluǥayad is untung din ne ikeveǥey en te zuma is buluhaten din.

⁹Berakat he mebpatey en sikandin su para meilu is menge anak din wey para mevalu is esawa zin.

¹⁰Berakat he mekeriǥuriǥu is menge anak din te kebpekilimus, wey verakat he segseǥa sikandan puun te egkeregdas en he ubpeey zan.

¹¹Berakat he eǥawa te neutangan din is langun he menge azen din, wey verakat he kuwaa te menge lumelengyawà is hineǥuan din.

¹²Ne emun ebpatey en sikandin ne verakat he wazà mehizu kandin wey te egkeilu he menge anak din.

¹³Berakat he mebpematey is menge kevuwazan din, su para melipati en sikandan te ebpekesunud he lapis te kevuwazan.

¹⁴Berakat he kenà peseyluwa wey kenà lipati te Nengazen is salà te menge ginikanan din wey te menge kepuun din; berakat he ituǥut te Nengazen he melipati en sikandan kayi te kelibutan.

¹⁶Su wazè din hizu; midlisedlised din wey mibpenhimetayan din is menge egkaayuayu, menge pubri, wey sikan is utew dezekelà is seeng dan.

¹⁷Igkelipey zin is kebpenrawak te zuma; berakat he ziyà mehitavu te kandin is rawak din. Kenè din ebpenubtuvazan is duma; berakat he wazà daan mebpenuvadtuvad kandin.

¹⁸Neleyaman din en is kebpenrawak te zuma; iring en heini te visti he imbivisti zin. Berakat he medlikù diyà te kandin is rawak din meiring te wahig he edreheb diyà te lawa zin wey meiring te lana he edsenep diyà te menge tulan din.

¹⁹Berakat he kenè en heini maawà diyà te kandin, iring te visti he imbivisti zin wey te vakes he layun diyà te hawak din.”

²⁰Nengazen, berakat he iyan heeyan isilut nu te menge etew he mibutangbutang kedì wey migkaǥi te mezaat he menge lalag mehitenged kediey.

²¹Piru tevangi a mulà, Nengazen he MEGBEVAYÀ, para ikeveǥey kenikew is dengeg. Libriya a tenged te keupiya nu wey gaǥew nu.

²²Su egkaayuayu a wey pubri a, ne utew mibmesakit is gehinawa ku.

²³Egkenaneynaney en egkaawà is untung ku iring te lambung he egkahanew emun mezukilem. Wey iring a zaan te terapan he mibpeyupas.

²⁴Wazè en desen te menge vuel ku tenged te kedtulung ku kebpuasa. Utew ad migasà.

²⁵Utew ad edsusudia te menge kuntada ku. Ebpemenggemenggemen dan emun egkeehè e zan.

²⁶Tevangi a, Nengazen he Megbevayè ku; libriya a tenged te ǥaǥew nu.

²⁷Ipetueni nu te menge kuntada ku he iyan ka, is Nengazen, midlibri kedì.

²⁸Midrewakan e zan, piru edtuvazan a mulà kenikew. Egkepeel-elezan is menge kuntada ku emun edsurungen e zan, ne egkelipey a mulà is suluǥuen nu.

²⁹Berakat he mepurung mepeel-elezi heini is menge etew he mibutangbutang kedì; meiring te visti he ebpeketambun te lawa zan is keelezan dan.

³⁰Ebpeselematan ku is Nengazen; edeliǥen ku sikandin diyà te etuvangan te mahabet he menge etew.

³¹Su edlevanan din is menge etew he pubri, su para melibri sikandan te edhukum kandan te kemetayen.