Sabóor 68:7-13

⁷Yàllaay sàkkal ku wéet wéttal, di afal ku ñu tëjoon, bégal ko, ku déggadi rekk ay dëkke suuf su ne sereŋ.

⁸Céy Yàlla, yaa génn, jiitu sa mbooloo, daagu, dugg màndiŋ ma. Selaw.

⁹Suuf yëngu, asamaan sóob fi kanam Yàlla, boroom tundu Sinayi, Yàllay Israyil ja!

¹⁰Yàlla, waame nga tawal, leqlee ko réew mi nga séddoo, fa mu sonne,

¹¹sa mbooloo dëkke fa. Yàlla yaa leel néew-ji-doole ci sag mbaax.

¹²Boroom beey joxe ndigal, gàngooru jigéen indi xibaar:

¹³«Buur yaak seeni gàngoor a ngay dawa daw, jongomay kër gi di séddale lël ja.