A Umana Kakailai 68:7-13

⁷God, ba u ga lue rap kaum tarai, Ba u ga bolo ta ra bil; Sela.

⁸A gunan i ga guria, A umana bakut dia ga bura ta ra luaina mata i God, Maia, Sinai akanama i ga dadadar ta ra luaina mata i God, a God kai Israel.

⁹U, God, u ga tul tar ra ngala na bata, Ma u ga valagar kaum gunan ba i ga talatalanguan.

¹⁰Kaum kor na tarai dia tar ki tana; Ta kaum varmari, God, u ga vanvaninare ra magit ure ra umana biaui.

¹¹A Luluai i tul tar ra tinata, A ngala na kor na vaden dia varvarvai.

¹²A umana king kai ra lavur loko na tarai na vinarubu dia takap, dia takap; Ma ra vaden ba dia ki ka ra kuba i diat dia tibe ra tabarikik di rara pa ia.

¹³Ba ava va livuan ta ra umana kikil na sip, I da ra bebea i ra uka i bagabagele da ra silva, Ma ra ivuna i gobol da ra goled.