1Mu jëm ci njiitu jàngkat yi, di kàddug Sabóor, ñeel Daawuda.
2Mooy ba ko Yonent Yàlla Natan seetsee, gannaaw ba Daawuda dëkkoo ndaw sa ñuy wax Batseba.
3Éy Yàlla, ni nga goree, baaxe ma ni, faral samag tooñ ngir sa yërmande ju yaa.
4Fóotal maa fóotal sama ñaawtéef, raxasal ma sama moy.
5Xam naa ne maa tooñ, sama moy a ngi janook man saa su ne.
6Yaw laa moy, yaw doŋŋ. Li nga ñaawlu laa def. Kon boo waxee, yaa yey; te soo àttee, wàcc nga.
7Ñaawtéef daal laa judduwaale, te sama ndey ëmbaale ma bàkkaar.
8Dëgg daal nga namm, dëggu reenu xol, kon déey ma xel mu rafet.
9Wis ma ndox, ma sell; sang ma, ma set wecc.
10Yal nanga ma dégtal mbég ak bànneex, ma bégati, gannaaw ba nga ma dammatee.
11Bul xool samay moy, faral sama ñaawtéef yépp.
Sabóor 51
Sabóor 51:1-11