Sabóor 44:4-19

⁴Du seen saamar lañu nangoo réew mi moos, seen dooley bopp it mayu leen ndam. Yaa ko defe kàttan ak doole, geesoo leen sa leeru kanam, ngir sa cofeel.

⁵Yaay kiy sama buur, di sama Yàlla, mayal askanu Yanqóoba ay ndam.

⁶Yaw lanuy dàqe bañ yi, sa tur lanuy dëggaatee ñi nu song.

⁷Du fitt laa wóolu, du saamar a may may ndam.

⁸Yaa nuy musal ci bañ yi, yaay gàcceel noon ñi.

⁹Yàlla lanuy damoo bésoo bés, di màggal turam ba fàww. Selaw.

¹⁰Waaye danga noo wacc, torxal nu, ba àndulook sunu mboolooy xare.

¹¹Waññi nga nu, nu won noon yi gannaaw, ñu bañ nu, ba futti nu.

¹²Ni gàtt yu ñuy yàpp, ni nga nu joxee, tasaare nu ci biir xeet yi.

¹³Jaay nga sa mbooloo ci dara, te jariñu la tus.

¹⁴Tax nga sunuy dëkk di nu ree, ñi nu séq di nu kókkaleek a ñaawal.

¹⁵Tax nga xeet yi di nu léeboo, jaambur yaa ngi nuy wëcc bopp!

¹⁶Damaa dëkke gàcce, sëlmoo kersa

¹⁷ndax kókkali yeek xastey nit ñi ma bañ, di feyoonteek man.

¹⁸Lii lépp dal na nu, te fàttewunu la, fecciwunu la kóllëre.

¹⁹Dëdduwunu la, wàccunu saw yoon,