Sabóor 42:3-9

³Maa mar Yàlla, Yàlla jiy dund! Kañ laay teewi fa kanam Yàlla?

⁴Rongooñ laay dunde guddeek bëccëg, noon yi di ma dëkke naa: «Ana sa Yàlla ji?»

⁵Lii laay fàttliku, sama xol jeex: dama daan jàll, jiite mbooloo ma, jëm kër Yàlla ga, di sarxolleek a sant, ñu booloo di màggal.

⁶Moo man, lu may yoggaaral nii? Lu may jàq? Naa yaakaar Yàlla, ba dellu sante sama Yàlla wallam.

⁷Maa ngi ne yogg, ba di la fàttlikoo fa réewum Yurdan ak tundi Ermon ak Misar.

⁸Sa wal ya sotti, xóote awu moroom ma; say wal ak say gannax, lépp a jaare sama kaw.

⁹Bëccëg Aji Sax ji baaxe ma ngoram, guddi ma fanaane koo woy, di ñaan Yàlla mi may dundal.