Sabóor 39:3-10

³Dama noon cell, ne patt, noppi, ba mu ëpp; sama njàqare yokku,

⁴sama xol diis, xel di xelaat, xol diis gann; ma mujj àddu,

⁵ne: «Éy Aji Sax ji, xamal ma sama muj ak sama àppi fan, ma xam ni sama dund gàtte.

⁶Yaatuwaayu loxo nga ma àppal ciy fan, sama giiru dund du dara fi yaw. Képp ku taxaw di cóolóolu neen. Selaw.

⁷Nit du lu moy takkndeer buy dem, cóolóolu neen lay kër-këri. Nit a ngi dajale, xamul kuy for.

⁸«Éy Boroom bi, lu may xaarati? Sama yaakaar yaw a.

⁹Musal ma ci sama mbugali tooñoo tooñ, bu ma bàyyi, dof di ma reetaan!

¹⁰Noppi naa, dootuma wax, yaw yaa dogal lii.