Psalms 39:3-10

³se ani ikia ninguru aga moakaso. Se ikup mu ko ikia tokasam mu eng am ikup biyala aga irakaso, se agata aimi ko Kaem isarukasam:

⁴“O Yawe, ani marak bagarikko tom wore aga kasuruko; ani ikisam ana tom tukunangta baga kuesan, bare Biya, aga kasuru se ninguru ko ikiekko.

⁵Aninga marak bagara ko tom mu ni tukunang gotek nungem, nika loagara te mu aninga marak bagara ko tom mu diriwakala iwita; mu awuk, ana kariimet suen la am tom tukunangta baga kuesan, marir nagiring te pus masan se arataso nama menaso iwita.

⁶“Agi tam bo ko tamarum iwita, worem motam kuiniso mu nu karogo mena namoso. Ana namasan taisan, melmasak gemasan, bare mu me nanga sangarso; awiriya giokko mu ana me ko ikisan tala.

⁷“Buta se Kari Biya, ani aga loagara biya anape te bita se lagarikko? Aninga loagara biya mu nikate betesam.

⁸Aninga memek suen la ningi aga sangaru toko, se kari ikia mena mu me aga gusimonko.

⁹Nigita ikup imi ani angimik te beterem, borta ko ani agiring kalem, ale den bo me balem.

¹⁰Ni yaman bo karogo me aisuko; ani nika kiting te kuerikko pingi arem.