Sabóor 19:7-14

⁷Asamaan lay fenke cat lii, wëndeelu, sowi cat lee; amul lu rëcc tàngooram.

⁸Yoonu Aji Sax jee mat, di leqli bakkan. Lu Aji Sax ji seede dëgg la, day xelal ku xeluwul.

⁹Lu Aji Sax ji tegtale, njub la, di bégal xol. Lu Aji Sax ji santaane, leeraange la, di leeral gis-gis.

¹⁰Santaaneb ragal Aji Sax ji mooy li sell te sax ba fàww. Lu Aji Sax ji digle, dëgg la, ak njekk gu sotti.

¹¹Moo dàq wurus, raw wurusu ngalam wu ne xas; dàqati lem, ëpp tem-tem.

¹²Man, Sang bi, ci laay leerloo, ku ko sàmm yokku yool.

¹³Nit juum na, umple ko, baal ma tooñ gu ma umple.

¹⁴Te Sang bi, musal ma ci bàkkaaru teyeef, mu bañ maa jiital, ma mana maandu, mucc moy gu réy.