Salmo 19:7-14

⁷Din kalin Diyos et kostokosto, magay kaoyawana, baro ay biyag ya pigsan di nemnem di idawdawat na. Din inpaammon Diyos ay pinaneknekana et kosto ay pantalkan tan dadlon tet-ewa. Say mangipalaing sin kolang di adal na.

⁸Din bilbilin Diyos et kosto di ibagbaga na, am-in ay mangonod et maragsakan da. Magay kinalawan di am-in ay linteg na, kaman silaw sin nemnem di ipogaw mo maawatan da.

⁹Din pamatpatgan di ipogaw en Diyos et dadlon nasantoan ya nadalos. Din panaydayawan da en sisya et mantoltoloy si eng-enggana. Am-in ay ikeddeng Diyos et kosto da tan polos ay magay pabpaborana.

¹⁰Din kalin Diyos et nabanbanol mo din balitok ay kanginaan, mammam-is abe mo din anig ay kam-isan.

¹¹Babaen sin kalim, ay Diyos, mabagbagaanak, et dakdake di gon-gonak sin panongtongpalak.

¹²Magay makanemnem sin am-in ay ipaksaw na, namnamed din adi na ammo ay basol na. Sapay koma ay Diyos ta pomakawan ka.

¹³Adi ka koma aben ipalobos ay igagarak ay manbasol en sik-a ya omituray din basol ay kaman nisa. Et mo siya di, magay maipabasol en sak-en, et mailisiak si basol ay nadagsen.

¹⁴Sapay koma ay Diyos ta malaydan kas nan kali ya nemnem ko, sik-a ay pankamangak ya manobot ko.