Sabóor 132:3-12

³Mu ne: «Duma ñibbi,

⁴duma tëddi sama kaw lal ba, duma nelaw, duma gëmm sax bët,

⁵li feek sàkkaluma Aji Sax ji bérab, ba dëkkal Mbërum Yanqóoba ma.»

⁶Ma ne, Efrata lanu dégg gaalu Yàlla ga, fekk ko àllub Yaar.

⁷Nan dem ba këram, sujjóotali ndëggëstalu tànkam ya.

⁸Aji Sax ji, jógal agsi sa dal-lukaay, yaak sa gaal gi jëmmal sa doole.

⁹Say sarxalkat, yal nañu woddoo njekk, sa wóllëre yi sarxolleendoo.

¹⁰Xoolal ci Daawuda, sa jaam ba, bul gàntu ki nga fal.

¹¹Aji Sax ji daa giñal Daawuda dëgg gu mu dul dëddu, ne ko: «Ku jóge sa geño laay wuutal ci sa jal bi,

¹²te say doom, bu ñu sàmmee sama kóllëre, ak sama kàdduy seede yi ma leen di xamal, seeni doom it ñooy tooge sa jal ba fàww.»