Legic 132:3-12

³Ni hélacnec amanaiguc ménda emmaŋ. Hehe duŋnaiguc ménda emma hemaŋ.

⁴Waŋu kicna galeŋgéwa gau niŋ ménda wammac, waŋu kicna amia ménda waiwa mamac.

⁵Imuhuc wammanec kecma ama geric méŋ Yawe guac buŋa mewa tecgémac. Yakoboac wandac wandac miŋina, ama méŋ guac buŋa mewa tecgéyuguc mia kicna waiwa gauya hemac.

⁶Nini Efarata amaiguc tacma sisipac acgawac katapa imuac ʒégic niŋiŋ. Waŋu Yarim baec kisiaiguc mihicŋiyiŋ.

⁷Hagic iwac tacyac wawaŋawac amaya imuaru kerenni, keremma héna titiya imuac wésiaiguc sicgémini.

⁸O Miŋ Kewu gi yacma tacniniŋ amagaiguc hama embésémaŋ. Gi ʒéma sisipac acgawac katapa kuhaguc imi momacnec.

⁹Waŋénécmina héfac oo ichécga ieneŋ haka solaŋanéŋ séwi usugina ésécnec héigic hiŋgacmac. Waŋu ichécga téréya ieneŋ ségiségi wamma qacmu.

¹⁰Weleŋ qeqe icga Dawidiac niŋmiwésémaŋ. Guac haléc naecmimiaga imi ménda nesimina keŋu.

¹¹Yawenéŋ Dawidiac ac héla yomuhuc ʒépaŋgémiyec. Inéŋ imi ménda andé qema kemmac; Guac sac igucnec hicŋimu ionarunec méŋ tatacga edamuyaguc imuaru opocba tacmac.

¹²Naŋhécga eneŋ ʒikiʒiki ac ʒéma héipuc acna ku énécmimaŋ imi tohoma wammuiguc imi naŋhécgina ieneŋ imuhucyanec tatacga edamuyaguc imuaru tetecgia qahac tacmu.