Sâcmutâc Hâsine 20:15-19

¹⁵Mâreŋ ʒira hae ŋeraŋgopieŋ jaŋe mâcne, taicko ŋeraŋgopieŋ jaŋe hâcne iŋuc ejarenʒepieŋ.

¹⁶Wofuŋ Anutu‐ŋeŋiczi ŋic gurune gurune ʒi jaŋere hae wiac ŋare tahac eme ro rauc eniŋmu ira wiac jujune moc mi akic‐jopanʒepieŋ.

¹⁷Aricne, ŋoŋe Wofuŋ Anutu‐ŋeŋiczi ŋaza mutâc ewec irec sâc Hitiŋic, Amori ŋic, Kanaaŋ ŋic, Pereʒi ŋic, Hiwiŋic â Jebusi ŋic jaŋe jopa mizienʒepieŋ.

¹⁸Jaŋe nemufâc‐jeŋic kiŋaŋ qajarehuc wiac mamakâcne embiŋ i ŋoŋe qazu‐ŋarepie ijaha ehuc Wofuŋ Anutu‐ŋeŋic bunao banʒipiŋte bâsirowec‐jopanʒepieŋ hâcne.

¹⁹“Ŋoŋe ʒika qahuc hae moc ro rauc eniŋte dâmeŋ ʒora somâckehuc jâc wiac‐ticne râriczi mi qafaranʒepieŋ. Aricne, ŋoŋe jâc i jaŋere fârine nâhuc akic‐jopanʒepieŋ. Jâc gieo doma raŋgopieŋ jaŋe ŋic aricne, irec râsi ejarehuc mi somâc‐jopanʒepieŋ.