Deuteronomio 20:15-19

¹⁵Diyè niw zà heini veeli te meziyù he menge inged he wazà mesakup duen te tanà he ed-engkenen niw.

¹⁶Piru is menge etew ziyà te menge inged he ibeǥey keniyu te Nengazen he Megbevayè niw su wey niw mepengevilin, geraa niw is langun.

¹⁷Purungi niw zèdeeti is menge Hitihanen, menge Amorihanen, menge Canaanhen, menge Pirisihanen, menge Hivihanen, wey menge Jebusihanen, sumalà te insuǥù keniyu te Nengazen he Megbevayè niw.

¹⁸Su emun kenè niw sikandan pudu egeraa, ne ibpenurù dan keniyu is langun he utew mezaat he menge vaal zan he ebeelan dan ke ed-ezapen dan is kandan he ebpen-ezapen, ne tenged kayi ebpekesalè kew ziyà te Nengazen he Megbevayè niw.

¹⁹Emun egkeuǥet niw egkaaǥew is sevaha he inged, kenè niw pemilaya is menge kayu. Keena niw is menge veǥas kayi piru kenè niw pemilaya. Su kenè niw sikandan kuntada he ereg he edezeetan.