Psalmaro 87:1-7

¹De la Koraĥidoj. Psalmo-kanto. Lia fundamento estas sur la sanktaj montoj.

²La Eternulo amas la pordegojn de Cion Pli ol ĉiujn loĝejojn de Jakob.

³Gloraĵojn Li rakontas pri vi, ho urbo de Dio. Sela.

⁴Mi parolas al miaj konatoj pri Egiptujo kaj Babel, Ankaŭ pri Filiŝtujo kaj Tiro kun Etiopujo: Jen tiu tie naskiĝis.

⁵Sed pri Cion oni diras: Tiu kaj tiu tie naskiĝis, Kaj Li, la Plejaltulo, ĝin fortikigas.

⁶La Eternulo notos, enskribante la popolojn: Ĉi tiu tie naskiĝis. Sela.

⁷Kaj la kantistoj kaj muzikistoj: Ĉiuj miaj fontoj estas en Vi.