GWAY GI IDAWUU’D 87:1-7

¹E ’kuwosha turga/ jin ḵogu mo jin doshki’d mo jin ta ’peŋkuman bampam piti jin ḵa’bki’d mo.

²Tap̱a a’di enki ’twaŋkala goŋ ma Sihyuun mo, mmobola ris mo jin ’konu e pa ma Yakuub e mo.

³To gi monyca a’di ṯorkunuwa ṯor gom /e mo, ayy ’peŋkuman bampa/ ma Arumgimis mo. Doshi ma dhali ’cunycuri yan mo.

⁴E bwaman uni gwansan kun mishki aha/ mo tani aha/ ṯorkina aRahab eya tente/ mo dhali Pam Baabil mo. Hili mo mo ma, ’Kwani gi Pam P̱alasthiin dhali ’Kwani gi Pan Sur nyaḵki ’Kwani gi Paŋ Gale/ mo. Uni o gwo mo ki: Jan ’de/ yan dho’thkunu e mun mo.

⁵Dhali goma Sihyuun mo tani a’di minu o gwo ciki: Jan ’de/ yan dhali jan ’de/ c̱aan dho’thkunu eya yim mo. Haali/ a’di jin Caa e ki Ca ki is piti midi ṯela yim sho’k mo.

⁶Tap̱a midi deŋa deŋ e mo me’d jin ’kwarkina a’di gway gi ’kwani mo ki: A’di ’de/ yan dho’thkunu imun mo. Doshi ma dhali ’cunycuri yan mo.

⁷Imanyuḵ gway dhali imansa gara/ o gwo mo ki: Aris mo jin kasha yi’dem pem e mo tani uni ’kon e /e mo.