Ihi 87:1-7

¹Noravano Kotiva autukero vatai vatukava nai kaamatai aiqinaraqaama vairo.

²Vo vatuka vo vatukavano Isarerini vaivarovata, Noravano Kotiva Saioniara naane avuni antuqa arivaro vaira.

³Kotira vatuka Saionio, are iri vairaqe Kotiva ariara koqe uva tiva taira ai tiva amiare. Viva tiharo,

⁴Isipive, Babironive, Pirisiave, Taiaave, Itiopiave, mini mini ti hutu tuahereka vaivarave. Te vikara tenta kaama tauna vaiinti nahentika, Saionihainaakave tirerave.

⁵Naantiara airi vaiinti nahenti Saioniara vi vatukava tinavu nova vaivo tivarave. Kotiva ariara mintima tivo. Nai virini kantaaqaini vai Variqava, viva naima naantiara vi vatukara koqema amiteharo kempukaiqama kaanaro.

⁶Viva vo vatanaa vo vatanaaka nutu qara ntuva teharo mintima tianaro: Maa vaiinti nahentika quqaa Saionihainaaka variavo,

⁷tiramanta vika ihi tivaqi viha mintima tivara: Kotiva tinavu koqema timite vai haikava, vo haika vo haikavano Saioni vatukaqihairo qovaraiqi vaivo, tivarave, turo.