Psalm 87:1-7

¹Psalm Lun Tulik Natul Korah LEUM GOD El musaela siti sel fineol mutal.

²El lungse siti Jerusalem Yohk liki kutena acn saya in Israel.

³Porongo, O kowos su mwet in siti lun God, Ke ma wolana ma El fahk keiwos:

⁴“Nga ac fah oakla acn Egypt ac Babylonia Ke nga takunla inen mutunfacl su akosyu; Mwet Philistia, Tyre, ac Ethiopia Nga ac fah oakalos pac inmasrlon mwet su muta Jerusalem.”

⁵Ac mwet uh fah fahk Tuh mutanfahl nukewa elos mwet Zion, Ac El su Kulana fah oru tuh Zion in ku.

⁶LEUM GOD El ac simusla inen mwet inge, Ac oakalosyang nukewa nu ke mwet Jerusalem.

⁷Elos ac fah onsrosro ac fahk, “Mwe insewowo lasr nukewa tuku Zion me.”