Legic 87:1-7

¹(Korawac sac taséhéra ionac legic ʒéra.) Inéŋ baec boŋa téréyaiguc tacyac waŋanʒac.

²Yawenéŋ Yakoboac tacyacac buŋa tosara onogicma Zionac nagu imuac siŋa niŋanʒac.

³Anutuac ama areŋa yanda, guac ʒéma edamugaguc ʒéanʒu. (Ohec)

⁴Ni niŋnéŋanʒu ionac sucginaiguc Rahab ʒéma Babilon hezaoc ʒémaŋ. Filisitia, Turo ʒéma Kusi imi acguc imuhucyanec Zion igucnec hicŋihicŋiya ʒéénécmimaŋ.

⁵Eŋeŋa miŋina eŋeyaoc Zion imi meyacgémac imuac niŋac Zionac yomuhuc ʒému; Ic yomi me imi imuacnec hicŋi hicŋiya.

⁶Yawenéŋ ic embac qacgina oma ʒaŋgégina olomma ic yomi acguc imuacnec ʒémac. (Ohec)

⁷Legic héima hirianʒu imi eneŋ yomuhuc ʒému; Doku kiwana imi mocʒoŋ guac muru hezac.