Ozee 8

1

2

3

4

5

6

7

8

9

10

11

12

13

14

¹Lɛ́pɛ kã̀aewa! Wàlɛ su lɛ́lɛi ma gbɛ̃́ Isailiↄwa lán kúuwa, asa aa ma bàakuańnↄ yã́ gbòo, aa bↄ̀ ma ikoyã kpɛɛ.

²Isailiↄ ì lɛzumazi wà mɛ: Wá Lua, wá n dↄ̃!

³Lá Isailiↄ gì yãmaai, ibɛɛ a ń gbɛsɛlɛɛ.

⁴Aaì kíaↄ kpa ma lɛ́ saiɛ, aaì dↄaanaↄ dilɛ ma dↄ̃a saiɛ. Aaì tã́aↄ pí ńzĩaɛ ń ã́nusuo ń vuao. A yã́i ↄ̃ aa kaalɛi.

⁵Ma gi Samalideↄ zugaaei, ma pↄ pàńzi. Kua gbãlɛsai aↄ ń fu e bↄɛ ni?

⁶Isaili ↄzĩkɛna mɛ́ gáaepi kɛ̀, Samalideↄ pↄ́piá Lua no, wa wíwi kɛ́lɛkɛlɛɛ.

⁷Ĩana aaì tↄ̃́, ↄ̃ ì bↄlɛnɛ́ zàa ũ. Ése i piao, wa e wísilↄo. Baa tó à pìa, buipãleↄ mɛ́ aa mↄ́ ń pↄ́ naaa.

⁸Isailiↄ gↄ̃̀ pↄbleaↄ ũ, aa gↄ̃̀ lán pↄ́ pↄ́ wa yeiↄwa buiↄ guu.

⁹Asa aa gɛ̀ Asiliↄwa, lán sɛ̃̀a zàa'ĩna pↄ́ ìↄ bɛ adowaɛ. Ɛflaiũ buiↄ ì gbɛ̃na wɛɛlɛ ń pↄ́oɛ.

¹⁰Baa kɛ́ aa gbɛ̃nakpà ń buipãleↄ, má ń naaaɛ sa. Kía zↄ̃ↄ mɛ́ a ↄtↄ̃má, aai na laoawa.

¹¹Ɛflaiũ buiↄ sa'okĩiↄ kↄ̃̀ duunakɛ̃ama yã́i, ↄ̃ sa'okĩipiↄ gↄ̃̀nɛ́ duunkɛzɛ ũ.

¹²Ma yãkɛ̃̀nɛ́ dasi ma ikoyã ũ, ↄ̃ aa dìlɛ yã zĩ̀lo ũ.

¹³Aaì ma gbagba, ↄ̃ aaì a nↄ̀ↄ só. Ma Dii ma pↄ namáo, an vãikɛa dↄmagu. Má tó an duuna wi ń musuɛ, aai ɛa ta Egipi.

¹⁴Isailiↄ Kɛna yã́ sã̀ńguɛ, ↄ̃ aalɛ ń kibɛↄ kpakpa. Yudaↄ lɛ́ wɛ̃́lɛ bĩ́ideↄ kálɛkalɛ, kási má tɛsↄ̃ wɛ̃́lɛpiↄwaɛ, an kibɛpiↄ i tɛ́kũ.