Text copied!
CopyCompare
Kâte Bible - Miti Mumu Ŋic

Miti Mumu Ŋic 11

Help us?
Click on verse(s) to share them!
1Go moneŋge qikiŋnetec izi gie bame juku ʒuhuckerâ fua‐gareocmu.
2Erâ gie mocjahare sawa mâcne, gie 7 me 8 irec biŋe qikiŋnezemec. Go mâreŋko wemo ŋemâc moc fua‐gareocmu i mi manakicte iŋuc hâcne ezemec.
3Karoraczi qâzuckerâ gâpârehuc hoe heekac, â jâc moczi juwicpec me faicpec fararâ ijaha foocmu.
4Go hoe mâŋâŋ jahere soŋaŋ bahuc gie he sarac mi ecmuo ine qa roro dameŋ maickeme fârine basacmu.
5Neŋgoc bumaŋko ŋic ɋâricne weniŋuc ehuc maŋ sahachec fuaekac i mi manaeŋgopeneŋ, iŋuc jaha wâc Anutu bapafâre rune e gie bapa‐ticnere fuŋne mi manaeŋgopeneŋ.
6Go furicte â owâcne gie he sarac ezemec; go wiac wenimoizi biaŋkeocmu â wenimoizi sâqoreocmu, me mâmâc jaha fua biaŋ eniŋmu i mi manaekicte iŋuc hâcne ezemec.
7Tatamac i wiac biaŋne, irec ʒâŋe‐nâŋeczi ʒoaŋ tatamac honerâ bubiaŋ manaeŋgopeneŋ.
8Go mâreŋko jufecmu sâc bubiaŋ manazemec, ehuc dameŋ ʒoricne me bembeŋne jufehuc ʒiŋuc manasuzemec: No juku hâmorâ dameŋ ʒora fopemu. Wiac fuaocmu sasawa i fâri tâmiric efâreocmu.
9Ŋic ŋokac socɋâri ŋoŋe aŋac faio junʒepieŋ, erâ socɋâri jaha juhuc bubiaŋ manarâ ʒeri bari enʒepieŋ. Ehuc ine wiac ebac eniŋmu irec Anutuzi juku dâŋgieo râec‐ŋopaocmu i manasunʒepieŋ.
10Wiac irec me irec mana mezac ehuc busâqoc mi enʒepieŋ, ŋoŋe dameŋ ʒora socɋâri mi juniŋmu.