Text copied!
CopyCompare
Is Lalag te Megbevayà - Megwewali

Megwewali 11

Help us?
Click on verse(s) to share them!
1Isavuk nu is selapì nu ziyà te petiǥayun ne ebpekegenansya ka te huziyan he timpu.
2Isavuk nu is selapì nu ziyà te nekedseselekawà he petiǥayun, su wazè nu metueni ke hengkey he mezaat he hitavù is egkehitavù kayi te kelibutan.
3Emun mekepal is kivel ne ed-uzan, ne ke hendei mepiley is kayu ne kenè heini egkaawà dutun.
4Emun timpu zà is ebentayan nu ne kenè ka ebpekepemula ne wazà nu egkeraǥun.
5Iring te kenè nu egkesavut ke egkemenumenu is kebpuun te untung te vatà diyà te ǥetek te iney zin, ne kenè nu zaan egkesavut is menge vaal te Megbevayà he iyan mibaal te langun.
6Pemula te tivuuk he andew, su kenè nu egketuenan ke meupiya ve is kedtuvù dutun etawa ke iyan dè be haazà is duma.
7Meupiya utew ke uuyag ke pa.
8Minsan sengemenu keluǥayad is untung nu, medlipey ka seled te tivuuk he untung nu. Piru tentenuzi nu is menge andew te kerusireman su ebmahabet heini. Kenà egkeseriǥan is egkengehitavù te huziyan he timpu.
9Sikew is betan-en, medlipey ka kayi te kebpengungubpaan nu te vetan-en ke pa. Beeli nu is egkesuatan nu te ebaal, piru tentenuzi nu he edhukuman ka te Megbevayà pinaaǥi te langun he menge vaal nu.
10Kenè ka medseengseeng wey kenè nu lisliseza is keugelingen nu. Pemulpulusi nu is kegkevetan-en nu su edlavey zà heini.