Miti Mânec 96:7-13

⁷Ŋic gurune gurune ŋoŋe Wofuŋ muteŋkeniŋ, Wofuŋte tatamac â tâpiri‐ticne musokaniŋ.

⁸Wofuŋ e ʒâŋe‐ticnere sâcko sâseniŋ; taha bafisirâ hae ʒoŋa‐ticnao feniŋ.

⁹Tiri eri qonaŋkerâ Wofuŋ dapecneniŋ; mâreŋ sâc mai‐ticnao jâjâwâckeniŋ!

¹⁰Ŋicne ŋicne ʒiŋuc mufua‐jareniŋ: “Wofuŋ guriŋ bakac.” Jâmbomac, e mâreŋ qasanaŋkewec qiŋ herâ ŋekac; e ŋic gurune gurune jaŋere dâŋ sâcjeŋicko mutaraocmu.

¹¹Sambâŋ e bubiaŋ manaoc â mâreŋ e ʒeri eoc, hâwec â maŋnao wiac qiriŋ qaŋgopieŋ jaŋe fânâŋkeniŋ.

¹²Sopâc â bec qowifâcne jaŋe kiwaeniŋ, erâ kâtere jâc sasawa jaŋe ʒeri gae heniŋ.

¹³I Wofuŋzi warekacte ere maio eniŋ; e mâreŋ sâc mumutara gie baocte warekac. E mâreŋko mumutara gie‐ticne bâtiŋnehuc baocmu, â ŋicne ŋicne dâŋjeŋic jâmbomacko mutaraocmu.