Pisalem 96:7-13

⁷Digau huogodoo i henuailala, goodou hagaamuina Dimaadua. Goodou hagaamuina ono madamada mo ono mogobuna.

⁸Goodou hagaamuina di ingoo madamada o Dimaadua. Goodou gaamai godou tigidaumaha, lloomoi gi lodo dono Hale Daumaha.

⁹Pala gi lala i mua o Mee dela e dabu, i dono madagoaa dela ma ga hanimoi. Digau huogodoo i henuailala gi polepole i mua o Mee!

¹⁰Goodou hagi anga ina gi nia guongo huogodoo boloo, “Dimaadua la go di King! Henuailala la gu haga noho gi dono lohongo, gei e deemee di haga ngalua. Dimaadua ga hagi aga nia daangada huogodoo i di tonu.”

¹¹Henuailala mo di langi, goolua tenetene! Di moana mo ono mee huogodoo ala i no lodo, goodou ngoloolo.

¹²Nia henua mo ono mee huogodoo ala i no lodo, goodou tenetene! Nia laagau ala i lodo nia henua ga wwolowwolo tenetene

¹³i di madagoaa o Dimaadua ma ga hanimoi e dagi henuailala. Mee gaa dagi digau henuailala gi di tonu mo di humalia.