GWAY GI IDAWUU’D 96:7-13

⁷C̱iki Tap̱a monyca mo, ayy um uc̱i gi ’kwani mo, c̱iki Tap̱a monyca mo dhali mom’bi’th is mo.

⁸C̱iki Tap̱a monyca mo, a’di jin ’dap̱a gway piti ki ’dap̱ mo. Guyi to jin c̱inu mmo’ciṯẖ ’kus mo dhali iiyi e mom piti jin di ’kup̱ ḵany mo.

⁹Luŋi Tap̱a ki burrinye/ ma du jin hidhu ki hitha dhelelga/ mo. Dhali deeyi ki bir bir ibwambori a’di mo, aris ’kwani ’baar gi mony’cesh mo.

¹⁰Oyi gwo e bwaman kal gi ’kwaniny’cesh mo ki: Tap̱a a’di ijiki’da ji mo. Nye, mony’cesh a’di ṯelkunu sho’k mo, dhali a’di molu joc̱ ki sule/ sule/ mo be. A’di midi dwall ’kwani gwo ki dar gi mii ma gwar ’de/ mo.

¹¹Dhalki momis ’kunya bwa mo dhali dhalki mony’cesh si’da/ ’kunyu bwa mo, dhali dhalki ḵumma/ yi’de/ si’da/ bir bakal mo dhali aris to gwansani ’baar mo kun ’tu’d a’di bwaman mo.

¹²Dhalki bwam mondhe’d yuḵ gway ki moŋ’kuny bwa mo dhali aris to ’baar mo kun ’kon e bwaman a’di mo. Yan’ko’d aris cwa ’baar mo gi bwanycwa mini yuḵ gway ki moŋ’kuny bwa mo

¹³ibwambor gi Tap̱a mo, haali/ a’di p̱u’dki’d mo, haali/ a’di p̱u’dki’d mo mmodwall mony’cesh gwo mo. A’di midi dwall mony’cesh gwo ki mii ma ḵar/e mo dhali ’kwaniny’cesh ki gwoŋ ganam piti mo.