Miti Mânec 95:5-10

⁵Hâwec i wâc ere, eki hâcne bawec, â mâreŋ kereŋne i menezi ba akic ewec.

⁶O warepie e sâsehuc dapecnenaŋ, Wofuŋ bâbâfua‐nâŋec ere maio dieŋzi henaŋ.

⁷E hâcne Anutu‐nâŋec, â nâŋâc sapa‐ticnere ŋicguru, erâ wâc ere mere lamafâc juŋgopeneŋ. Ŋoŋe miŋecgac hâcne dâŋticne mananʒapiŋ me!

⁸Meriba opâo maŋsanaŋ ekicne iŋuc mi enʒepieŋ, erâ ʒoaŋ moc Masao, mâreŋ tuhuo embiŋ.

⁹Mimiŋnefâc‐ŋeŋic jaŋe dameŋ ira esâicnumbiŋ, i wiac bapa‐nane hone‐bipiehuc embiŋ.

¹⁰No jara 40 ŋicguru i jaŋere takicnuhuc juwec, eme mupo, “Ŋic i jaŋe maŋjeŋic qac qâsoricne, jaŋe hata‐nane moc mi hone manac eŋgopieŋ.”