Sam 95:5-10

⁵Ṉati hiniva nia Sa sa kolo lamana sapu ele tavetia Sa; meke gua tugo sa pepeso sapu ele kuria Sa.

⁶Mae todoṉo mada vahesia, mada kokotuṉu pa kenuna e Zihova sapu tavete gita.

⁷Ura Asa sa nada Tamasa, gita si na Nana tie pu ta kopue koa Sa, meke guana Nana rovana sipi pu kopu ni gita Sa. Mi va avosia kamahire gua sapu zama nia Sa.

⁸“Mi lopu va ṉiṉirai sari na bulomia, gua sapu tavetia rina tiatamamia pa Meriba, sapu va ṉiṉirai rini sari na bulodia totoso koa rini pa qega pa Ma'asa.

⁹Podepodekau rini si Arau vasina, ba ele dogori dia mo gua saripu evaṉi Rau koa rini.

¹⁰Ura ka made ṉavulu vuaheni si lopu qetu ni Rau sari na tinoni sara, zama si Rau sapu na tie va gugue si arini! Lopu hiva va tabei rini sari na Qua tinarae!