Psalms 95:5-10

⁵Gagi mu noko, mu nu nungam; se ali mu nu kota kuting te nungam ale bitarso.

⁶Yawe kota nanga nungam, se tairal se koma dugu te nabugura kulukurnak ale nup patawunakko,

⁷mu awuk, nu anananga Kaem, se ana mu noko kariimet; nu noko sipsip iwita nanga bitarso ale nanga sinar taso. Se aitakta nina ko aira ikial, mu karo tualko.

⁸Nu iwita balso: “Nina nengemang aora biya me bagaralko! Girakala ninga taleng girigir sor garagarayam te, sor Meribah se Massah mu te baga se bitakasan mu turan te me beteralko!

⁹Nuna ani kilek kilek sokel ago te nunga sangikko beterem mu ari gilingiman, bare aninga ira arikasan, ale angimik ko den duap duap balukasan.

¹⁰Se yia 40 ningi ani kariimet mu nunga ko angamang magakaso se ani nunga balem, kariimet imi nunga ikia nongomang kirker namoso. Nuna aninga agiring karo tumonko mia gilingisan.