Pisalem 95:5-10

⁵Go Mee dela e dagi di moana dela ne hai go Mee, mono henua huogodoo ala ne hai go Mee.

⁶Lloomoi, gidaadou e pala gi lala e daumaha gi Mee, gidaadou e dogoduli i mua o Dimaadua dela ne hai gidaadou!

⁷Mee go tadau God. Gidaadou ala go ana daangada e madamada humalia ai, gidaadou go ana hagabuulinga siibi ala e hahaangai. Hagalongo dangi nei gi ana helekai ala e helekai ai:

⁸“Goodou hudee hamaaloo godou lodo, be di hai o godou maadua mmaadua i mua ala nogo i Meribah, gadoo be nadau hai huaidu ala nogo haihai i di anggowaa i Massah.

⁹Digaula gu gidee ginaadou agu hegau mogobuna ala ne hai ko Au i nadau baahi, gei digaula gu hagamada Au.

¹⁰Au nogo hagawelewele gi digau aalaa i nia ngadau e mada haa, gei Au gaa hai: ‘Digaula e huli nadau manawa gi daha mo Au, gei digaula hagalee hagalongo gi agu haganoho!’