Miti Mânec 75:4-8

⁴No maŋfefehec jazapemu, ‘Penaroŋ mi eniŋ,’ â ŋic sindaŋne jazapemu, ‘Pepecne mi eniŋ.

⁵Maŋfefehec jaŋe penaroŋ mi eniŋte â sahacfefe jaŋe pepecdâŋ mi eniŋte jazaekopac.’”

⁶Mumutara gie i ʒoaŋ wewefunaonec me huhunaonec me mâreŋ tuhuonec mi fuaekac;

⁷Anutu e buc mumutara gie baekac, ehuc ŋic moc bawahaekac â moc bâfeŋneekac.

⁸Wofuŋ e meticnezi râqâc moc badomakac, irec maŋnao waiŋ opâ momori bâmockekicne ŋekac; eme i hâcne qoŋgiŋke‐jareme mâreŋŋic sindaŋne jaŋe nâku fâhâŋne hâtâ qiŋqiŋne wâc nâzickeniŋmu.