Miti Mânec 57:1-4

¹Buuruc enarec, o Anutu, go buuruc enarec, no gore dapeŋko soŋkekopac. No fakecgere rurumaŋko soŋkerâ ŋehape, sisipiricte mâŋâŋzi fotâcnerâ razejec.

²No Anutu, Femicne sâko, e wiracnekopac; gie‐ticne norao bataraocmu, Anutu e hâcne.

³E sambâŋkonec okacne bâtikie‐narehuc baficnuocmu, imacnuŋgopieŋ jaŋe mimi bâfua‐jareocmu; Anutu e aki anonoc â jauŋ fâri‐ticne soreocmu.

⁴No laioŋ, ŋic kisucke nâc ejareeŋgopieŋ, jaŋere ŋondeŋko fokopac; micsiec‐jeŋic i damu â tepe, nameŋ‐jeŋic ine sâqe mictara.