Psalms 57:1-4

¹(David Saul ko naguram ale garap gogong ningi baga se den imi batogam) Gemang aisuko, O Kaem, gemang lila aisuko; ni aninga yumura kuwim. Ani nika kiting bowa kararik ale bagarik se mel memek suen la aga maguwurokko taiso mu mena saparukko.

²Aninga niara Kaem Kalel Biya mu kote betesam; nu aninga bitarso.

³Nu duruk wonong te baga se aninga sangarso, ale kager kari aga karowasan mu ining nungarso; Kaem me aga beteso, aninga kueso ale lage mu te aga sangarso.

⁴Ani kausik memek aga laturman se kusumuri bagasam; nuna kariimet nunga moa namonko bagasan; nononga nogore mu gatu kore iwita, se nunga nungamili mu batir wuli karogo wore toroman.