Miti Mânec 56:7-13

⁷Irec sindaŋ‐jeŋicte okacne jarezemec! O Anutu, go kimbeŋko ŋicguru i qâfiec‐jopazemec!

⁸Ʒika kipo i wose‐fâremeŋ, ʒâŋeuc‐nane wose qâreŋ etec papiagao mi fokac me?

⁹Eme no wirapemu dameŋ ira râsifâc‐nane bâsuec‐jopazo. No manakopac, Anutu e no âgo enarekac.

¹⁰Anutu, dâŋticne mumbiaŋkeekopac, Wofuŋ, dâŋticne mumbiaŋkeekopac,

¹¹Anutu erao hâcne roweckehuc hâwic tâmiric juekopac, ŋiczi wemo enareniŋmu?

¹²O Anutu, no dâŋ mupaŋkepo i fârine bâfuape, no daŋge bâzi taha bagarepe.

¹³Go juju‐nane hâmockonec batarameŋ, â kike‐nane biric boroc ezacte basanaŋkemeŋ. Irec ʒi Anuture maio, jujure tatamacko jupemu.