Psalms 56:7-13

⁷O Kaem, ni nunga memek koma nungaruko! Nika gemang magara te kariimet umu nunga maguwurko!

⁸Ani ikup giem ale karogo mo se memek baga lagerem mu ni ko iki saperem; ni aninga amononge awilaya kaparam mu ni kau saperem ale ko ikisam.

⁹Se tom ani nika aurik mu ani ikisam, aga kager kari mu nagu sapamonko. Umu te ani ikisam, Kaem mu aninga saonga bagoso.

¹⁰Ani Kaem ko den ko amilmilasam, ani Yawe ko den ko amilmilasam.

¹¹Ani Kaem te la ira sanamasam, ale me nguangasam. Ali ko kari bo awuk ta aga maguwurokko?

¹²O Kaem, ani aga den balem uwutata bitirik ale amilmil te tama bita kisekko.

¹³Mu awuk, ni ani mateng lage te aga bataguru taem, se ani asiwik atumem ale me dagulem; buta se ani Kaem nup patawu se, marak ningo ko nikim te la aolak iluwekko.