Salmos 56:7-13

⁷Tayta Dios, chiquimajcunataga rabyacurcur pengayman churay. Castigänitaga ama cachaycuychu.

⁸Ayca cuti gueshpishallätapis gamga musyaycanquimi. Ayca cuti wagashallätapis gamga ricamashcanquimi. Chaycunataga gammi libruyquicho apuntaraycächinqui.

⁹Yanapämänayquipaj mañacamuptë chiquimajcuna pillyaj shaycämushanchöpis cuticongami. Rasunpami musyä faburnë caycashayquita.

¹⁰Tayta Diosmanmi yäracö. Aunimashanman yäracurmi payta alabä. Taytallämanmi yäracö. Aunimashanman yäracurmi paytaga alabä.

¹¹Chaymi mana manchacöpischu. ¿Imataräshi ruramanman runallaga?

¹²Tayta Dios, aunishäcunataga cumlishayquimi. Altarniquipa ñaupanchömi agradësicushayqui.

¹³Gamga salbamashcanqui wañunäpitami. Mana alliman chayanäpitapis jorgamashcanquimi gam nimashayquita cumlir cawanäpaj. Chaynöpami achicyajchöno ñaupayquicho goyäshaj.