Miti Mânec 49:11-15

¹¹Jaŋacne ʒâŋezi mâreŋ sâko gâcne wase bambiŋ ŋic iŋucne jaŋe wâc ʒâŋeruŋzi ŋeŋe hae sanaŋ‐jeŋic eocmu, eme ira dameŋne dameŋne fohuc juniŋmu.

¹²Ŋiczi juju saricko mi jurahuc juocmu, e qowi siroweeŋgopieŋ jaŋere sâc.

¹³Ine mutuc erâ jaŋacne mamanac jueŋgopieŋ, jaŋere hata i hâcne; â wiac fojarekac irec mana biaŋkeeŋgopieŋ, jaŋe iŋucko tara‐jarezokac.

¹⁴Jaŋe lama iŋucne hâmoc haeo râec‐jopazo, eme hâmoczi soŋaŋ‐jeŋic eocmu. Ʒâŋeruŋko hupie sahac hawari‐jeŋic ʒaŋkeocmu, hâmoc haezi ŋeŋe juju‐jeŋic eocmu.

¹⁵Anutuzi ine maŋ qâqâtâc‐nanere kiwiric roocmu, ehuc hâmoc haere tâpirionec bataracnuocmu, eki hâcne no rocnuocmu.