Buk Song 49:11-15

¹¹Pastaim ol dispela man i gat graun bilong ol yet, tasol nau matmat tasol em i olsem ples bai ol i stap oltaim oltaim long en.

¹²Biknem bilong yumi i no inap pasim yumi long dai. Nogat. Yumi bai i dai olsem ol abus tasol.

¹³Dispela bai i kamap long ol man i bilip tumas long ol yet na long ol samting ol i holim. Kain man olsem i no gat gutpela tingting. Ol dispela man i amamas nating long ol samting ol i kisim, bai ol i dai olsem.

¹⁴God i makim ol bai ol i dai olsem ol sipsip na i go long ples bilong ol man i dai pinis. Na bai Dai i stap olsem wasman bilong ol. Taim ol i lusim pinis ol gutpela haus bilong ol, na bodi bilong ol i sting olgeta, na ol i stap long ples bilong ol man i dai pinis, orait ol stretpela man i ken amamas long samting i bin kamap long ol.

¹⁵Tasol bai God i kisim bek mi, na ples bilong ol man i dai pinis bai i no gat strong bilong holimpas mi.