1O Wofuŋ, go ŋic sâqocne jaŋeraonec bataracnuc, ŋic qac momorihec ʒika‐jeŋicte ŋezicnuc.
2Jaŋe maŋjeŋiczi dâŋ repicne birickeeŋgopieŋ, ehuc ʒika ʒuʒuhuc bâiŋneeŋgopieŋ.
3Jaŋe nameŋ‐jeŋic qâteckepie homare ʒuŋe iŋucne eekac, â bipic‐jeŋicte maŋnao qotâre micopâ fokac.
4O Wofuŋ, go ŋic sindaŋne mejeŋicte sabecnuc, ŋic qac momorihec ʒika‐jeŋicte ŋezicnuc; jaŋe kike‐nane qataraniŋte manasuŋgopieŋ.
5Ŋic maŋfefeheczi bitiŋ râe‐narembiŋ, uficko jowapemurâ fâre‐narembiŋ, â hatamecko nombâŋ ronarembiŋ.
6No Wofuŋ âzâcnekopac: Go Anutu‐nane; o Wofuŋ, go wira wâwâsic‐nanere hazec râec!
7O Wofuŋ, nore Wofuŋ, babafic sanaŋ‐nane, go ʒika dameŋko sabecnumeŋ.
8O Wofuŋ, ŋic sindaŋne aŋac‐ticnere fârine mi fuazejec, wiac sâqocne maŋkekac i fâri fideteŋ mi ezejec.
Miti Mânec 140
Miti Mânec 140:1-8