Mithali 20:4-12

⁴Mtu mvivu halimi majira ya kipupwe; hutafuta mazao wakati wa mavuno lakini hapati kitu.

⁵Makusudi ndani ya moyo wa mtu ni kama maji yenye kina, bali mtu mwenye ufahamu huyateka.

⁶Mara nyingi mtu husema yeye ni mwaminifu, lakini ni nani awezaye kumpata yule mwaminifu?

⁷Mtu atendaye haki hutembea katika uaminifu wake na wana wake wanaofuata baada yake wanafuraha.

⁸Mfalme anayeketi kwenye kiti cha hukumu akifanya kazi za kuhukumu hupembua kwa macho yake mabaya yote yaliyoko mbele yake.

⁹Nani anayeweza kusema, “Nimeuweka safi moyo wangu; nipo huru na dhambi zangu”?

¹⁰Mizani tofauti na vipimo visivyosawa - Yehova huvichukia vyote.

¹¹Hata kijana hujulikana kwa matendo yake, kwa mwenendo wake kama ni safi na uadilifu.

¹²Masikio yanayosikia na macho yanayoona- Yehova aliyafanya yote.