Melkahka Kan 92:1-5

¹Maing KAUN, ia uwen mwahu en ei kin patohwan wia ei kapingkalahngan ong komwi, ei kin koul oh patohwan kawauwih komwi, Koht Wasa Lapalahpie,

²ei kin lohkiseli nimenseng koaros sapwellimomwi limpoak poatopoat, oh nipwong sapwellimomwi loalopwoat,

³iangahki ngilen selin nei keseng kan oh ngilen arp.

⁴Maing KAUN, wiepen nin limomwi manaman akan kin kansenamwahwihiehla; pwehki sapwellimomwi wiewia kan, I patohwan koulki ei peren.

⁵Maing KAUN, ia uwen lapalap en wiepen nin limomwi kan! Ia uwen loal en audepen kupwuromwien!