Buka Linge 92:1-5

¹Na linge vania na Sabbath Lord, E uto sughua na holoutoamu nia na linge ni holohabaamu ighoe God to Haba i kokou.

²Ladavaghinia nimua na dolo tona haliu tughu roropo, mana volamu te utuni tana lei bona na aho te bongi.

³Nia na lei lingelinge ni ghalevu mana ukalele, mana lei talama ni tigitigi ghua.

⁴Lord, inau tu nighi togotogo na lei nimua lutu sule to gonighi, na pukuna na hava to gonia tu nia rivurivu na malei limamu.

⁵Lord, na lei gehegehemu te sule ngangata mana lei ghanaghanamu te lalo ghua.