Melkahka Kan 146:4-8

⁴Ni ar kin mehla, re kin pwurehng wiepwella; oh ni ahnsowohte, ar koasoandi kan kin imwisekla.

⁵Meid pai aramas me Koht en Seikop kin ketin sewese oh me kin koapworopworki KAUN-O eh Koht,

⁶sounkapikada nanleng, sampah, oh madau kan, oh audeparail kan koaros. E kin ketin kapwaiada sapwellime inou kan ahnsou koaros;

⁷e kin ketin sewese pwungen me toutoulahr akan oh kin ketin katungoale me duhpeklahr akan. KAUN-O kin ketin kasaledekla me sensel kan

⁸oh kin ketin kapehdpeseng mesen me maskun kan. E kin ketin pwekada me pwupwudi kan; e kin ketin poakohng sapwellime aramas pwung kan.