Mark 8:22-26

²²Irai lel Bethsaida; wijahu armaj pwi ukdohng Jesus woal majkun men poaki en pukkoang.

²³Jesus oaloa poahn min majkunno uklahng likin koaujoan. Mwerin ah andipoahdi pohn pwoaroan mijoahk, kihdahng poah pohn woallo, ih idoak ma ih ne kapang wija ke joah.

²⁴Woal majkunno poahdpijoang pwehng Jesus, “Maing, ngoahi kak kapang armaj kan, a doahrma ma pwen suhkoahpwi allaluhjili.”

²⁵Jesus pel pwuroahng kihda poahk pohn pwoaroan mijen woallo, woallo pwuroahng poahdpijoang; a me ne mwehula, ih ne kak kapang me ohroj mwehu.

²⁶Jesus ken kadarla ih in umwahu, pwehng, “Alwe in umwoammwo, koawoa johpwa pwurla nehn koaujoanno.”