22येशू ह्राङला चेलागदेदेन छ्याम बेथसेदा भिबा ग्लारी धोखमा म्हिगदेसे मी आम्राङ्बा म्हि गिकदा येशू मुबा ग्लारी भसी, “चुदा थुर्सी पिन्गो” भिसी बिन्ती लजी।
23येशूसे थे मी आम्राङ्बा म्हिदा नाम्साग्याम क्याथाङ भोर्सी थे मी आम्राङ्बा म्हिला मीरी थो स्वाजी ओच्छे यासे थुर्सी, “एसे तिगै म्राङ्जी?” भिसी ङ्योइमा,
24थे मी आम्राङ्बा म्हिसे ओसो च्यासी, “ङाइ म्हिगदेदा दोङ भ्रबा ह्रङ् लसी क्युर्सीन भ्रबा म्राङ्बा मुला” भिसी भिजी।
25येशूसे दोःसी थे मी आम्राङ्बा म्हिला मीरी ह्राङला यासे थुर्जी। जमाहेन्से थेसे म्राङ्जी।
26जमाहेन्से थे म्हिदा येशूसे नाम्सारी आवाङ्ना दिमरी निउ भिसी पुइजी।