MAREK 8:22-26

²²Paľis avle andre Betsaida. Ande ke leste jekhe kores a mangenas les, hoj pes lestar te dotkňinel.

²³O Ježiš chudľa le kores vastestar a iľa les avri andral o gav. Ode leske le šlinenca makhľa o jakha, thoďa pre leste o vasta a phučľa lestar: “Dikhes vareso?”

²⁴O koro dikhľa upre a phenďa: “Dikhav le manušen, ale dičhon avri sar stromi, so phiren.”

²⁵O Ježiš pale thoďa pre leskere jakha o vasta a chudľa te dikhel. O koro avke sasťiľa avri, hoj dikhelas savoro žužes.

²⁶Bičhaďa les khere a phenďa leske: “Ma dža andre oda gav aňi pal oda ma phen ňikaske!”