22Bidzuṉnäj Jesús rexpejṉpacni guedx Betsaida. Dxejc biädnäreni te lotiä'p loj Jesús, gunabreni loj Jesús caanni bejṉga.
23Dxejc gunaazni ṉaa lotiä'pga, guläänini neṉ guejdx. Che batiobxhejnni neṉ rebalojni, basugajcni ṉaani yejc baloj lotiä'pga, gunabdidxgajc Jesús: ―¿La yu' xhi rhuiilu, ä?
24Luxh che bahuii bejṉga räjpni: ―Rhuiä sasaj rebejṉ, luxh si'c yajg rhuiä lojreni.
25Basusac Jesús ṉaani yejc rebaloj bejṉga. Dxejc bejn Jesús bahuii bejṉga. Biajctini, zijtru gujc bahuisa'cni lo guiraa rebejṉ.
26Dxejcti baxhaḻ Jesúsni rolijzni, räjpni: ―Basquejn, huijga rolijzlu, na'c jiu'lu neṉ guejdx, na'c gäblu xhi gujclu lo rebejṉ ni yu' neṉ guejdx.
San Marcos 8
San Marcos 8:22-26