22Chunꞌ ndiꞌin la mdiyan neꞌ nde kichen Betsaida. Bra ti mdiyan loꞌo neꞌ kichen ꞌin ska yu kwityiinꞌ seꞌen ndiꞌin Jesús. Mjñan ꞌa neꞌ ꞌin yu chaꞌ xtya yaꞌ yu ke yu tiꞌí, ngwa tiꞌ neꞌ.
23Kanꞌ chaꞌ msñi Jesús yaꞌ yu kwityiinꞌ kanꞌ, ndyaa loꞌo yu ꞌin yu nde tuꞌwa kichen. Loꞌo msuꞌwa Jesús chinꞌ tyiꞌa nu ndyoꞌo tuꞌwa yu kiloo yu tiꞌí bra kanꞌ, mstya yaꞌ yu kiloo yu kwityiinꞌ kanꞌ bra kanꞌ. ―¿Ta ka ñaꞌaan ska nan ni a? ―ndukwin Jesús ꞌin yu tiꞌí.
24Naꞌan kwiꞌya yu tiꞌí chinꞌ kwiꞌ seꞌen ti bra kanꞌ. ―Nchka ñaꞌaǎn chinꞌ ti ―ndukwin yu tiꞌí―. Sa ndijin ti chkanꞌ ñaꞌaǎn chinꞌ, ñaꞌan tiꞌ yka ñaꞌan nten, loꞌo ndaꞌan ran ―ndukwin yu tiꞌí kanꞌ ꞌin Jesús.
25Xiyaꞌ mstya yaꞌ Jesús kiloo yu tiꞌí kanꞌ. Bra ti nchkaa kiloo yu bra kanꞌ, ngwa ñaꞌan suꞌwe yu ꞌin nchga nten.
26Kanꞌ ngulo Jesús tñan ꞌin yu chaꞌ tyaa yu naꞌan tyi yu: ―Ja tsaa ꞌaa lo kichen ni, ja katsaaꞌ ꞌin nten nan lka nu ngwa ꞌiin ―ndukwin Jesús ꞌin yu nu ngwa tiꞌí kanꞌ.
SAN MARCOS 8
SAN MARCOS 8:22-26