Maleko 6:4-14

⁴Yesu ya falibadi iyen, Peloweta nuꞌu mahudoꞌina yai sa faꞌatitiyen. In moho ena nuꞌu dodogadi yo afa efana yo ana boga mate sa ꞌwaiyoꞌoꞌen.

⁵Hige gonowana noꞌo abiꞌabidi laꞌi i ginauli ainiya. Tau lepalepa fisa moho nimana ya tole lawedi hewadi yai be sa loholoho.

⁶Yo fede ya famala Yesu ena tauhiti paꞌana hige edi sunuma. Maleko 6:6b-13 Yesu ya taꞌiꞌili nuꞌu hesa - hesa be dodoga ya faꞌatadi.

⁷Tau faꞌona wasawasa 12 ya yoga gogonidima be dudulai ya feledi bena yaluwa heyaheyayadi sa liba duidi. Yo fede luwaga - luwaga ya fatamalidi.

⁸Ya laugagayodi iyen, Ami lau, tabu somo hesa au abi. Tuꞌe moho, tabu kalahe, tobo e moni.

⁹Sendolo au awai na tabu luhuluhu hesa au abi.

¹⁰Ya falibadi hinaga iyen, Somo yai sa yoga hitinimiu, ai lumana ami gogo ee–, ami aulaha boda.

¹¹Yena ami mahano ai taon hesa na dodoga hige ti yoga hitinimiu e emi liba hige ti atahiyen nuꞌuna ni au lau afulen. Ahemiu afusadi au oi luhiluhidi, haba ya famala edi heyaya aba ita lobahina.

¹²Habahim ya falibadi be sa lau dodoga sa guguyaidi na bena sa nuwabui.

¹³Yaluwa heyaheyayadi sa liba duidi yo tau asiꞌasiyebo oliwe masina yai sa famaꞌidi be sa loholoho.

¹⁴Kin Heloda liba te ya atahiyen paꞌana Yesu hesana ya tadada nuꞌu ouꞌouli yai yo fede haisa tiyen, Diyon Babasito ya mwahuli fuyo logena gigibwali te ya abi be fafaꞌilala ya lau ginauli.