Mak 6:4-14

⁴Jesus idi irokenẽdin, “Profet taka ĩ, in fõ gariyan, in sirag atun ado, in fõ bun dogol, ĩ yana sã.”

⁵Ĩ an memelik taka inoya kisi feleya sã, anĩ ere, ĩ dagi tamo teke tekelei dogol ima tetedin ino fen, el fedin.

⁶Jesus idi neid momoiya to ile fen, terẽ yen. Agef fen, Jesus fonõ fonõ iyo ken, od ifelnẽdin.

⁷Jesus tuwelf iweignẽdi di, idi ĩ wagen disin. Ĩ uru uru, sur feid fen, kaa sesen dirudiyouf nigin, idi megeir ifenẽdin.

⁸Ĩ fadim yu ken, iron, “Delẽ uyõgouf nigin ereb taka to walogouf, bret sã, kodol sã, moni sã, manig dogol.

⁹Sendel ufonũg fen, gabar ufilaĩgef dogol, taka to walogouf.

¹⁰Ereb sain ã fõ bun ulagauf, an ubodõgef uleg, taun anĩ utorõgouf.

¹¹Fonõ taka bun ã to daleyei ken, ã to karĩ diyeĩf, sain ã fonõ anĩ utorõg fen, yeĩ aas tu welege di, idi ã kiwai difenein anĩ keleĩf.”

¹²Tamo kayau waud falei youf nigin, idi dile, od wogõ den.

¹³Idi kaa sesen musei diruid fen, tamo kayau dagi ado musei moul diguneĩd, el difedin.

¹⁴King Herod Jesus nigin od karĩ yen, ere nigin, Jesus nẽ yana fõ fõ ganan karĩ den. Tunĩ diron, “Jon naan igunẽdiya tamo, ĩ laa bun tamal kel fã yen, anĩ nigin, memelik nẽ totol ĩ bun kabĩ yalef.”